Negro é Negro                                         

Perdoa que preferira non escribirche. As veces tiña sobre ti ideas non todo o boas que eu quixera. Penso que de todo tivo a culpa a comida. Tanta comida non senta ben. Agora que me alimento moito menos podo pensar mellor. Direiche sobre nós que estou francamente esperanzada. Sei que somos moi diferentes en moitas cousas, pero quen pode dicir que é exacto a outra persoa. Ti mesmo aseguraches un día que non faciamos mala parella. Por exemplo, ambos temos opinións ben diferentes sobre Brahms: a ti dúrmeche e a min exáltame. Pero os dous odiamos o peixe, o tenis, os pintores e viaxar en automóbil. Non somos tan distintos coma ti sempre dis. Eu estou disposta a ceder en todo. Creo que será o mellor. Establezamos unha relación moi profunda, na que a investigación sexa a base da convivencia. Admirémonos o un ao outro para confiar en que non pode haber no mundo mellores amantes. Deste xeito quen se arrime ao noso lado, quen pretenda desfacernos, pareceranos ridículo.

Un texto de JMA traducido por Aníbal C. Malvar